Një rrëfim rrëqethës, i prodhuar nga Vest Media, dhe një histori suksesi që vjen me një mesazh shumë të fortë gjatë 16 ditëve të aktivizmit, për të na kujtuar se gratë dhe vajzat nga Kosova janë forca dhe frymëzimi i një kombi.
Uta- Ngjitja për Kosovën është një film i shkurtër që tregon vështirësitë e të rinjve kosovarë pas përfundimit të luftës në 1999, pabarazinë gjinore dhe një histori për këmbënguljen dhe pasionin për të arritur ëndrrat tuaja.
Është një film i shkurtër që zhytet thellë në zemrat tona dhe tregon se rolin kryesor në formimin e personaliteteve që na bëjnë krenarë e kanë familjet, veçanërisht roli i babait. Pas grave të forta qëndrojnë baballarët, burrat dhe vëllezër që na edukojnë për barazinë gjinore.
Ky film me metrazh të shkurtër është shpërblyer në festivale të ndryshme ndërkombëtare, ndërsa premierën e parë në Kosovë e ka pasur në nëntor të vitit 2023.